37
Малчид, иргэд, хадланчдад зориулсан мэдээ өнөөдөр нутгийн зүүн хойд хэсгээр дуу цахилгаантай аадар бороо, мөндөр орж, сэрүүсэх төлөвтэй байна. Тодруулбал төв болон зүүн аймгуудын нутгаар үүлшиж, зүүн аймгуудын нутгийн зарим газраар бороо, дуу цахилгаантай аадар бороо, мөндөр орно. Салхи нутгийн зүүн хэсгээр баруун өмнөөс баруун хойш эргэж, бусад нутгаар баруунаас секундэд 5-10 метр, нутгийн зарим газраар борооны өмнө түр зуур ширүүснэ. Тиймээс иргэдийг болзошгүй мөндөр, аянга цахилгаан, үерийн аюулаас сэрэмжтэй байхыг анхааруулж байна.
