29
Дэд сайд Б.Нямжав Говь-Алтай аймгийн Дэлгэр суманд ажиллаж байна. Гуулин тосгонд газар тариалан, үхрийн фермийн аж ахуй эрхлэгч Р.Өлзийбатын аж ахуйгаар орж танилцлаа.
Р.Өлзийбат түүний гэргий Г.Жагдагмаа нар Улаанбаатар хотод 20 гаран жил амьдарч байгаад 2023 оноос нутагтаа ирж суурьшсан байна.
Махны чиглэлээр үхрийн аж ахуй эрхэлж, тэжээлийн ургамал, эрдэнэшиш тарьж малын тэжээлээ бэлтгэдэг. Усалгаатай талбайд хүнсний ногоо тарьж ургуулан орон нутагтаа нийлүүлдэг аж. Атар-4 аяны хүрээнд хөрөнгө оруулалтын зээл авснаар 100 тоннын ногооны зоорьтой болж жилийн 4 улиралд хүнсний ногоогоо хадгалж, борлуулах боломжийг бүрдүүлэн, сумандаа үлгэр жишээ хөдөлмөрлөн амьдарч байна.
