, УБ
, УБ
Монгол, Италийн бэлчээрийн мал аж ахуйн уламжлал, малчдын амьдралын хэв маяг, хүн–мал–байгалийн харилцан шүтэлцээ, орчин үеийн сорилтыг харьцуулан таниулах тусгай үзэсгэлэн 2026 оны 8 дугаар сарын 25-аас 31-ий өдрүүдэд Монголын Үндэсний музейд дэлгэгдэж байна.
Тус үзэсгэлэнг Италийн Этно-археологийн холбоо (AIE), Газар дундын тэнгис болон Дорно дахины судлалын олон улсын холбоо (ISMEO), ЮНЕСКО-ийн ивээл дор International Institute for the Study of Nomadic Civilizations Нүүдлийн соёл иргэншлийг судлах олон улсын хүрээлэн (IISNC) хамтран зохион байгуулж байгаа юм.
Үзэсгэлэнд Монголын Үндэсний музейн сан хөмрөгөөс нүүдэлчдийн ахуй, мал аж ахуй, уламжлалт урлал, зан үйлийг харуулсан 160 орчим үзмэр дэлгэн толилуулж байна.
UNCCD COP17 болон 2026 оны "Олон улсын бэлчээр ба малчдын жил"-тэй уялдан зохион байгуулагдаж буй тус үзэсгэлэн нь уур амьсгалын өөрчлөлт, газрын доройтол зэрэг орчин үеийн сорилтыг даван туулахад уламжлалт мэдлэг, соёлын өвийн үнэ цэнийг таниулахад чиглэж байна.
