2026.11.17 Мягмар гараг
УБ цаг агаар, УБ

Төслийн хүрээнд нийлүүлэгдсэн гал түймэр унтраах 42 метр урттай автомеханик шатны 2 автомашиныг хүлээлгэн өглөө

Монгол Улсын Засгийн газар, БНФУ-ын Засгийн газар хооронд байгуулсан санхүүгийн хэлэлцээрийн хүрээнд хэрэгжиж байгаа “Онцгой байдлын байгууллагын агаараас эрэн хайх, аврах ангийг чадавхжуулах, гал түймэр унтраах автомашин нийлүүлэх II шатны төсөл”-ийн эхний шатанд гал түймэр унтраах 42м урттай автомеханик шатны 2, 32м урттай автомеханик шатны 2 буюу нийт 4 автомашин нийлүүлэгдээд байна.

Төслийн хүрээнд нийлүүлэгдсэн гал түймэр унтраах 42м урттай автомеханик шатны 2 автомашиныг өнөөдөр НОБГ-ын Чингэлтэй дүүргийн Онцгой байдлын хэлтсийн Гал түймэр унтраах аврах 10 дугаар анги, Баянзүрх дүүргийн Онцгой байдлын хэлтсийн Гал түймэр унтраах, аврах 63 дугаар ангид тус тус хүлээлгэн өглөө.

Тус арга хэмжээнд БНФУ-ын Иргэний аюулгүй байдал, хямралын удирдлагын ерөнхий газрын дарга, ноён Жулиен Марион, БНФУ-аас Монгол Улсад суугаа онц бөгөөд бүрэн эрхт элчин сайд, хатагтай Коринн Пэрера, Десотел группын ерөнхийлөгч Жером Десотел, ОБЕГ-ын дарга, хошууч генерал Г.Ариунбуян нарын албаны хүмүүс оролцсон юм.

Хошууч генерал Г.Ариунбуян хэлсэн үгэндээ “Онцгой байдлын байгууллагын гал түймэртэй тэмцэх чадавхыг сайжруулах төслийн I үе шатыг 2019-2022 онд хэрэгжүүлж, Онцгой байдлын байгууллагад гал түймэр унтраах тусгай зориулалтын 4 төрлийн 42 ширхэг автомашин нийлүүлэгдсэн. Тус автомашинуудыг төв, орон нутгийн анги, байгууллагад хуваарилан, үүрэг гүйцэтгэснээс хойш 6500 орчим гал түймрийн дуудлагаар ажиллаж, 5100 орчим иргэний амь нас, 300 гаруй тэрбум төгрөгийн эд хөрөнгийг авран хамгаалсан. Харин II шатны төслийн хүрээнд гал түймэр унтраах тусгай зориулалтын 42м урттай автомеханик шатны автомашин 5, 32м урттай автомеханик шатны автомашин 10, хөөсөөр гал түймэр унтраах автомашин 3 буюу нийт 18 автомашин нийлүүлэгдэх бөгөөд ингэснээр гал унтраах тусгай зориулалтын автомашины хангалт 62.8 хувьд хүрэх юм. Өнөөдөр ийнхүү төслийн хүрээнд нийлүүлэгдсэн гал түймэр унтраах 42м урттай автомеханик шатны 2 автомашиныг хүлээн аваад байна” гэлээ.

Төслийн хүрээнд нийлүүлэгдсэн эдгээр автомашинууд нь Онцгой байдлын ерөнхий газрын захиалгаар цаг уур, орчин нөхцөлд тохируулан үйлдвэрлэгдсэн гэдгээрээ онцлог.

Онцгой байдлын байгууллагад 42 метр урттай гал түймэр унтраах автомеханик шатны автомашин анх удаагаа нийлүүлэгдэж, ийнхүү үүрэг гүйцэтгэж эхлээд байна.

Сэтгэгдэл 0
0/1000
Ихэнх нутгаар хүйтэрнэ
3 цагийн өмнө 56
АШУҮИС-ИЙН РОБОТ МЭС ЗАСЛЫН СУРГАЛТЫН ТӨВ ЭМЧ НАРТ ЗОРИУЛСАН СУРГАЛТАА ЭХЛҮҮЛЛЭЭ
5 цагийн өмнө 35
Хүүхдийн урьдчилан сэргийлэх, эрт илрүүлэгт төлөвлөсөн хүүхдийн 75 хувь нь хамрагджээ
5 цагийн өмнө 32
ХҮНИЙ ЭРХИЙГ ХАМГААЛСАН ТОГТОЛЦООГ БЭХЖҮҮЛНЭ
5 цагийн өмнө 64
“Онцгой хотхон”-ы 512 айлын орон сууцны барилга угсралтын ажлыг шуурхайлахыг үүрэг болголоо
6 цагийн өмнө 68
Монгол Улс улаанбурхан өвчнийг таслан зогсоолоо
6 цагийн өмнө 68
Жүдо бөхийн залуучуудын шигшээ баг Узбекистан Улсын Ташкент хотыг зорилоо
7 цагийн өмнө 70
Н.Учрал: Эх хэл бол үндэстний оюун санааны дархлаа, тусгаар тогтнолын баталгаа
8 цагийн өмнө 74
Соёлын бүтээлч сар” аяны хүрээнд “Герман, Франц улсад суралцсан анхны эмэгтэйчүүд” сэдэвт үзэсгэлэн нээлтээ хийв
8 цагийн өмнө 40
Гэмт хэргийн шинжтэй үйлдлүүдийг илрүүлж, Мөрдөн шалгах хэлтэст шилжүүлжээ
9 цагийн өмнө 76
У.Хүрэлсүх: Монгол Улсын Ерөнхийлөгчийн үүрэгт ажлаа хүлээлгэн өгч, нэр төрөө сэргээлгэнэ
9 цагийн өмнө 82
Нийтийн албан тушаалтанд хахууль өгсөн хэргүүдийг шүүхэд шилжүүллээ
10 цагийн өмнө 81
Азийн испорт болон оюуны спортын анхдугаар наадам 2027 онд зохиогдоно
11 цагийн өмнө 39
Цаг агаарын аюултай үзэгдлээс сэрэмжлүүлж байна
11 цагийн өмнө 70
Нийслэлийн хэмжээнд “Шар дарцаг” аян эхэллээ
11 цагийн өмнө 73
Тусгай үнэт цаас гарган төв банканд эзэмшүүлэх шийдлийг Засгийн газар дэмжиж байгаагаа илэрхийллээ
2026-11-16 93
Хэрэг бүртгэлтийн 1 хэрэгт 3 объектод нэгжлэгийн ажиллагаа явуулав
2026-11-16 80
Энэ онд 51 байршилд 63.47 км авто замыг шинэчлээд байна
2026-11-16 44
АНУ-ын Невада мужийн дээд боловсролын системийн талаар мэдээлэл сонслоо
2026-11-16 80
МОНГОЛ УЛС, ЕВРОПЫН ХОЛБОО ХООРОНДЫН ХУДАЛДАА, ХӨРӨНГӨ ОРУУЛАЛТЫН ДЭД ХОРООНЫ ЭЭЛЖИТ ХУРАЛДААН БОЛОВ
2026-11-16 44
1 / 1