, УБ
, УБ
Улсын төсвийн орлого тасалдаж, зарлагаа танах тухай ярьж байгаа энэ үед эрх баригчид татварын томоохон эх үүсвэрээ өөрсдөө эрсдэлд оруулах гэж байна.
Тамхины зах зээлээс жилд 300 тэрбум орчим төгрөгийн татвар төвлөрдөг гэх тооцоо бий. Гэтэл хэлэлцэж буй хуулийн төсөлд амт, үнэртэй бүтээгдэхүүнийг өргөн хүрээнд хориглох зохицуулалт туссан нь хууль ёсны худалдаа, улмаар татварын орлогод сөргөөр нөлөөлөх эрсдэлтэй. Амт үнэр оруулсан тамхин бүтээгдэхүүн зах зээлийн бараг ихэнх хувийг эзэлдэг ба шинээр хэрэгжих хуулиар тас хоригдож татварын орлого буурах нь тодорхой болж буй юм.
Хэрэглэгчдийн эрэлт хэвээр үлдэж, бүтээгдэхүүний нийлүүлэлт далд зах зээл рүү шилжих нь цаг хугацааны асуудал боллоо. Хэдийгээр тамхины хэрэглээг бууруулах бодлого нь сайшаалтай ч гарах сөрөг үр дагаварыг иргэд үүрэх нь гарцаагүй.
Эрүүл мэндийг хамгаалах бодлого хэрэгтэй. Гэхдээ эдийн засгийн үр дагаврыг нь тооцохгүйгээр, хориг тавьснаар бүх асуудал шийдэгдэнэ гэж үзэх нь хариуцлагагүй хэрэг.
Хууль санаачлагчид энэ хоригийн дараа төсөв хэдэн төгрөгийн орлого алдаж болзошгүй, далд зах зээл хэрхэн өсөх, алдагдлыг хэрхэн нөхөх талаар ямар тооцоо хийсэн бэ гэдэг нь эргэлзээтэй.
Төсвийн мөнгө дутагдахад иргэдээс татвар нэхдэг төр өөрөө татварын орлогоо эрсдэлд оруулах шийдвэр гаргаж болох уу?
