, УБ
, УБ
Төрийн албаны зөвлөлийн 2026 оны 36 дугаар хуралдаан 10 дугаар сарын 21-ний өдөр болж дараах асуудлуудыг хэлэлцэж шийдвэрлэлээ.
Эдийн засаг, хөгжлийн яамны удирдах албан тушаалын сул орон тоог нөхөх тусгай шалгалт зохион байгуулсан тухай, Говьсүмбэр аймгийн Засаг даргын Тамгын газрын даргын албан тушаалын сул орон тоог нөхөх тусгай шалгалт зохион байгуулсан тухай комиссын тайлантай танилцаж, нэр дэвшүүлэв.
Төрийн албаны зөвлөлийн Ажлын албаны удирдах, гүйцэтгэх албан тушаал, Баянхонгор аймаг дахь Салбар зөвлөлийн нарийн бичгийн даргын албан тушаалын тусгай шалгалтыг зохион байгуулах үүрэг бүхий шалгалтын комиссыг байгуулав.
Төрийн албаны зөвлөлийн Хөвсгөл аймаг дахь Салбар зөвлөлийн бүрэлдэхүүнд өөрчлөлт орууллаа.
Төрийн улс төрийн албан тушаалд ажилласан хугацааг Төрийн захиргааны албан тушаалын зохих ангилалд ажилласан хугацаанд дүйцүүлэн тооцуулахаар ирүүлсэн 1 иргэний хүсэлтийг баталгаажуулж дүйцүүлэн тооцлоо.
Төрийн жинхэнэ албан хаагчийн эрх зөрчигдсөн талаар гаргасан 8 иргэний гомдлоор маргаан үүсгэв.
