, УБ
, УБ
Ази номхон далайн бүс нутгийн өргөн нэвтрүүлгийн холбооны /ABU/ Ерөнхий чуулган есдүгээр сарын 11-15-ны өдрүүдэд Улаанбаатар хотод болно. Энэхүү чуулганд Японы NHK, Хятадын CGNT, Солонгосын KBS, Австрали, Италийн тв, Туркийн TRT гэх мэт 43 орны хэвлэл мэдээллийн тэргүүлэх байгууллагуудын захирал, продюсер, уран бүтээлчид оролцож, телевиз, хэвлэл мэдээллийн хөгжлийн чиг хандлага, тулгамдсан асуудлуудыг хэлэлцэнэ.
Энэ удаад “Үндэсний өв соёлоо хамгаалж, түгээн дэлгэрүүлэхэд телевиз радио, хэвлэл мэдээллийн байгууллагын үүрэг оролцоо” гэсэн сэдвийг онцолж байна. "ABU GENERAL ASSEMBLY-2025 ULAANBAATAR" олон улсын хурлын албан ёсны үйл ажиллагаа ирэх пүрэв гарагаас эхэлнэ. Мөн энэхүү хурлын үер “ABU ДУУНЫ НААДАМ” зохион байгуулагддаг бөгөөд 10 орчим улсын уран бүтээлчид оролцохоор байна. “ABU ДУУНЫ НААДАМ”-д Монгол Улсаа төлөөлөн “The Hu” хамтлаг оролцоно.
“ABU 62 дугаар чуулга уулзалт “Үндэсний өв соёлыг хамгаалах, түгээн дэлгэрүүлэхэд хэвлэл мэдээллийн байгууллагын оролцоо” сэдвийн хүрээнд явагдана.
"МҮОНРТ-ийн Ерөнхий захирал Г.Гэрэл: “МҮОНРТ “ABU 62 дугаар чуулганыг Монгол Улсад зохион байгуулна. Энэ чуулга уулзалт маргааш буюу есдүгээр сарын 11-15-ны хооронд Улаанбаатар хотноо болно. Энэхүү чуулганд Японы NHK, Хятадын CGNT, Солонгосын KBS, Австрали, Италийн тв, Туркийн TRT гэх мэт 43 орноо хэвлэл мэдээллийн тэргүүлэх байгууллагуудын захирал, продюсер, уран бүтээлчид оролцохоор ирсэн байгаа. Чуулга уулзалт “Үндэсний өв соёлыг хамгаалах, түгээн дэлгэрүүлэхэд хэвлэл мэдээллийн байгууллагын оролцоо” сэдвийн хүрээнд явагдана.
Чуулга уулзалт маргааш 09.00 цагаас спортын хороодын хурлаар эхэлнэ. Спортын идэвхтэй үйл ажиллагаа явуулдаг хэвлэл мэдээллийн байгууллага, Монголын Үндэсний олимпын хороо, Монголын Үндэсний бөхийн холбооноос зочид ирж оролцоно. Мөн программын хурал зохион байгуулагдана. Есдүгээр сарын 12-ны өдөр спорт, радиогийн болон техникийн бүх форумд оролцогчдын салбар хуралдаан болно. Есдүгээр сарын 13-ны өдөр Монгол Улсыг зорьж ирсэн хэвлэл мэдээллийн байгууллагын зочдод зориулж, Монголынхоо өв соёлыг харуулсан бэсрэг наадмыг зохион байгуулахаар бэлтгэл ажлаа хангаж байна.
Мөн "ABU GENERAL ASSEMBLY” олон улсын хурлын үеэр дууны наадам зохион байгуулна. Энэ арга хэмжээнд 10 гаруй орны уран бүтээлчид оролцоно. МҮОНРТ эдгээр орны уран бүтээлчдийн тоглолтыг шууд дамжуулж үзэгчдэд хүргэнэ. Есдүгээр сарын 14-ны өдөр нэгдсэн чуулга болно. Нэгдсэн чуулганы дараа шилдэг бүтээлийг шалгаруулж шагнал гардуулах ёслол болно. Есдүгээр сарын 15-ны өдөр нийгмийн хэлэлцүүлэг зохион байгуулагдана. Хаалтын хуралдаанууд болно” гэв.
"ABU GENERAL ASSEMBLY” чуулга уулзалтаар тулгамдаж байгаа асуудлаа ярилцаж, туршлага солилцоно
Ази номхон далайн бүс нутгийн өргөн нэвтрүүлгийн холбооны Ерөнхий нарийн бичгийн дарга Ахмед Надим “Ази номхон далайн бүс нутгийн өргөн нэвтрүүлгийн холбооны /ABU/ дэлхийн 65 улсад 200 гаруй гишүүдтэй байгаа. МҮОНРТ ууган гишүүдийн нэг юм. "ABU GENERAL ASSEMBLY” чуулга уулзалт маш олон гишүүд цуглардаг. Энэ жилийн чуулга уулзалтад 43 орны төлөөлөгч оролцоно.
Энэ хурлаар нэг нэгнээс суралцах, хамтдаа тулгамдаж байгаа асуудлаа ярилцах чухал уулзалт юм. Чуулга уулзалтаар спорт, программ, бүх өргөн нэвтрүүлгийг хамарсан хурлууд явагдана. Тулгамдаж байгаа асуудлаа ярилцаж, туршлага солилцоно” гэдгийг онцолсон юм.
