, УБ
, УБ
Онцгой байдлын ерөнхий газраас гол, усны ослоос иргэдийн аюулгүй байдлыг хангах ажлын хүрээнд усны ослын эрсдэл өндөр, хүн олноор цуглардаг нийслэлийн 5 дүүрэг, 8 аймгийн нутаг дэвсгэрийн 23 байршилд хөдөлгөөнт болон завьт эргүүл үүрэг гүйцэтгэж байна.
Иймд иргэд, малчид, аялагчид та бүхэн гол, усны ослоос урьдчилан сэргийлэх мэдээ, мэдээллийг хүлээн авч, мэргэжлийн байгууллагын заавар, зөвлөмжийг дагаж, аюулгүй байдлаа хангаж, сонор сэрэмжтэй байхыг уриалж байна.
Хамгийн сүүлийн мэдээллээс үзвэл 2026 он гарсаар долоодугаар сарын 20-ны байдлаар усны ослын 84 тохиолдол бүртгэгдэж, 50 хүн (үүнээс 31 том хүн, 19 хүүхэд) амь насаа алджээ.
Улсын Онцгой комисс, Цахим хөгжил, инновац, харилцаа холбооны яам хамтран ухаалаг утасны SOS системийг ашиглалтад оруулаад байна. Иргэн өөрийн гар утасныхаа хоёр талын кнопыг зэрэг дарснаар 101, 102, 103 дугаарт дуудлага өгөх боломжтой. Ямар ч насны хүн утасныхаа хажуу талын хоёр кнопоо зэрэг дараад SOS руу ороход онцгойн 101, цагдаагийн 102, түргэн тусламжийн 103 шууд гарч ирнэ.
