, УБ
, УБ
Нийслэлийн удирдах ажилтнуудын ээлжит шуурхай зөвлөгөөн өнөөдөр(2026.07.02) болж, Үндэсний их баяр наадмын бэлтгэл ажлын явцыг хэлэлцжээ. Нийслэлийн төсвөөс 5 тэрбум төгрөгийг Үндэсний их баяр наадмын төсөвт зарцуулахаар төсөвлөсөн байна.
Баяр наадмын өдрүүдэд Төв цэнгэлдэх хүрээлэнд 204, Хүй долоон худагт 347 худалдаа, үйлчилгээний цэгийг батлагдсан журам, шаардлагын дагуу байршуулж, иргэдэд аюулгүй, чанартай хоол хүнсээр үйлчлэх нөхцөлийг бүрдүүлнэ. Харин баяр наадмын худалдаа, үйлчилгээний зөвшөөрөл зарна гэх цахим залилангаас сэрэмжлэхийг анхааруулж, зөвшөөрлийг зөвхөн хууль, журамд заасан шаардлагын дагуу олгох бөгөөд license.mn сайтаар хүсэлтийг хүлээж авах юм.
Түүнчлэн наадмын талбай орчимд 22,000 автомашины зогсоол гаргаж, хөгжлийн бэрхшээлтэй иргэд болон бага насны хүүхдэд зориулсан бүсийг тусгайлан зохион байгуулахаар төлөвлөсөн байна. Нийслэлийн зүгээс баярын өдрүүдэд Хүй долоон худаг чиглэлд нийтийн тээврийн үнэ төлбөргүй маршрут гаргаж, өглөө 08:00 цагаас орой 22:00 цаг хүртэл иргэдэд үйлчлэхээр бэлтгэл хангаж байгаа аж.
