, УБ
, УБ
Зэрлэг амьтан судлах, хамгаалах төв (WSCC) нь хамтран ажиллагч байгууллагуудын дэмжлэгтэйгээр Хэнтий аймгийн Хурхын хөндийд хүлэрт газрын хүлэмжийн хийн солилцоог хэмжих Эдди ковариацийн (Eddy Covariance) станцыг шинээр суурилууллаа.
Энэхүү станц нь хүлэрт газрын метан (CH₄), нүүрсхүчлийн хийн (CO₂) урсгалыг тасралтгүй хэмжиж, уур амьсгалын өөрчлөлт, цэвдгийн гэсэлт, хүлэрт газрын доройтол болон нүүрстөрөгчийн эргэлтийн харилцан хамаарлыг судлах боломж бүрдүүлнэ. Хэмжилтийн үр дүн нь Монгол орны хүлэрт газрын талаарх шинжлэх ухааны мэдлэгийг нэмэгдүүлж, хамгаалал, нөхөн сэргээлтийн үйл ажиллагааг шинжлэх ухааны үндэслэлтэй төлөвлөхөд хувь нэмэр оруулах юм.
Станц суурилуулалтын ажлыг ХБНГУ-ын Weihenstephan-Triesdorf University of Applied Sciences (HSWT)-ийн Peatland Science Centre (PSC), Wetlands International, Green Choice байгууллагууд болон эрдэмтэн судлаач, техникийн мэргэжилтнүүд хамтран хэрэгжүүлжээ.
