, УБ
, УБ
Зам, тээврийн сайдын ээлжит шуурхай хуралдаан өнөөдөр (2026.10.19) боллоо. Уг хуралдаанаар цаг үеийн нөхцөл байдал, салбарын өвөлжилтийн бэлэн байдлыг хангаж ажиллах болон тээвэрлэлттэй холбоотой асуудлуудыг хэлэлцэж, салбарын сайдын зүгээс ЗТЯ болон газар хэлтэс, харьяа байгууллагын удирдлагуудад дараах үүрэг даалгавруудыг өглөө.
Төмөр замын салбарт Багахангай-Хөшигийн хөндий-Эмээлт (Толгойт) чиглэлийн төмөр замын бүтээн байгуулалтын ажлыг дуусгаж, нээлтийн үйл ажиллагааг зохион байгуулсантай холбогдуулан вагон нэмж тавих, байнгын ажиллагаатай байх үүргийг Төмөр замын газар болон “Монголын төмөр зам” ТӨХК-ийн удирдлагуудад өглөө.
Төмөр замын трассын газар чөлөөлөлттэй холбоотойгоор Шувуун фабрикийн орчимд амьдарч буй дөрвөн өрхийн гурвынх нь нүүлгэн шилжүүлэлтийн асуудлыг шийдвэрлэсэн бөгөөд үлдсэн нэг өрхийн асуудлыг шуурхай шийдвэрлэх үүрэг өглөө.
Түүнчлэн Зам, тээврийн яам болон харьяа байгууллагын удирдлагуудад гадаад томилолт болон төсөвт заагаагүй аливаа зардлыг бууруулж, бүх шатанд хэмнэлтийн горимд шилжиж ажиллахыг үүрэг болголоо.
