Г.Занданшатарын Засгийн газар 16 дэд сайдыг томилсонтой холбогдуулан сөрөг хүчин Ардчилсан намын зүгээс эсэргүүцлээ илэрхийлж, энэхүү томилгоогоо эргэн харахгүй бол Засгийн газрыг огцруулах хүртэл арга хэмжээ авна гэдгээ мэдэгдсэн. АН-ын бүлгийн гишүүд дэд сайдын томилгоо болон төрийн данхар бүтцийн талаар Ерөнхий сайдтай уулзаж холбогдох шаардлагаа хүргүүллээ.

Үүний дараа АН-ын дарга О.Цогтгэрэл хэлэхдээ "Эхний байдлаар Ерөнхий сайд Засгийн газрын тухай хуульд "Дэд сайдтай байна" гэсэн заалттайг хэлж байна. Үүнийг УИХ өөрчлөх боломжтой. "Дэд сайдтай ажиллана" гэсэн заалтыг хасчихвал хуулийн өөрчлөлт дээр хамтран ажиллах боломжтой гэсэн саналыг хэллээ" гэв.