Монголын Хуульчдын холбооны Хуульчийн мэргэжлийн шалгалт эрхэлсэн хорооноос 2026 оны хуульчийн мэргэжлийн шалгалтын зохион байгуулахтай холбоотой асуудлаар хэвлэлийн бага хурал зарлаж, мэдээлэл өглөө.

Хуульчийн эрх зүйн байдлын тухай хуульд заасны нарийн журмаар зохицуулагддаг тус шалгалт нь жилд ганц удаа болдог бөгөөд энэ жилийн тухайд 2026 оны аравдугаар сарын 28, 29, 30-ний өдрүүдэд Улаанбаатар хотод зохион байгуулахаар товлосон. Шалгалтын бүртгэл өнөөдөр буюу 9-р сарын 14–ий 14:00 цагаас эхлэн Burtgel.mglbar.mn сайтаар явагдаж, 45 хоног үргэлжлэх юм. Зохион байгуулагчдын зүгээс бүртгэл нэг удаа хийгддэг, веб сайт дээр засагдах боломжгүй тул бүртгүүлэхдээ анхааралтай байж, үнэн зөв бөглөхийг захилаа.

Энэ жилийн шалгалтын шинэчлэлийн тухайд Монголын хуульчдын холбооны шалгалтын хорооны гишүүн Т.Мөнх-Эрдэнэ “Хуульчийн мэргэжлийн шалгалтын сорилго” ном өмнө нь D хариулт нь зөв өгөгдсөн тест 100 хувь байдаг байсан бол гурван хэсэгт хуваагдсан. Нэгт D хариулт нь зөв өгөгдсөн тест, хоёрт зөв хариулт өгөгдөөгүй буюу шалгалтад орж байгаа эрх зүйч өөрсдөө ажиллаж зөв хариуг олж тогтоох хэсэг, гуравт АНУ-ын мэргэжилтэнтэй хамтран боловсруулсан жишиг сорилго гэсэн хэсгээс бүрдэнэ" гэв.

Мөн хуульчийн шалгалт өгөх гэж буй эрхзүйчдэд зориулан бодлогын сургалтыг уламжлал ёсоор зохион байгуулна. Сургалт 9 сарын 14-нд эхэлж, гурван салбар эрхзүйн хичээл 6 өдөр явагдана. Төлбөр нэг салбар эрхзүйн төлбөр 150 мянган төгрөг байна. Харин сорилго болон аргачлалын ном ирэх мягмар гарагт хэвлэлтээс гарах аж.

Сонирхуулахад, жилд дунджаар 1200 гаруй эрхзүйч хуульчийн мэргэжлийн шалгалтад оролцож 10 гаруй хувь нь л тэнцдэг байна.

Бүртгэлтэй холбоотйо мэдээллийг 70116364 дугаараас лавлана уу!