Мөнгөн завъяагийн нүхэн гарцыг Монгол орын үзэсгэлэнт байгалийн зургаар тохижуулна

Багшийн дээдийн нүхэн гарцыг будаж янзлан, Монголын алдарт суу билэгт зохиолчдын дүрийг, шүлэгтэй нь мөнхөлсөн залуус дараагийн ажилдаа орохоор болжээ. Тэд Мөнгөн завьяагийн нүхэн гарцыг Монголын байгалийн гайхамшгийг өгүүлэх нээлттэй галерей болгон шинэчлэх санаачилгыг эхлүүлэхээр болжээ.

Шинэчлэлийн хүрээнд:

Увс нуур, Хөвсгөл далай, Отгонтэнгэр хайрхан, Их газрын чулуу, Хэцүү хад гэх мэт Монголын үзэсгэлэнт газруудыг
Мазаалай, ирвэс зэрэг нэн ховор амьтдыг
Монгол орны онгон байгаль, түүх, үндэсний онцлогийг
Орчин үеийн уран бүтээл, гэрэлтүүлэгтэй хослуулан гадаад, дотоодын аялагчдад Монголын гайхамшгийг нэг дороос мэдрүүлэхийг зорин ажиллах юм байна.

Төслийг санаачлан хэрэгжүүлэгч залуус "Гадаадын жуулчин эндээс “Монголд заавал очиж үзэх газар”-аа олж хараг. Монгол хүн эндээс “Би ийм сайхан эх оронтой” хэмээн бахархаг" байхыг зорьж байгаа аж.

Сэтгэгдэл 1

Зочин 2026-09-13

[136.56.211.46]

Отгонтэнгэр хайрхан бол монголчуудын шүтээн болсон, төрийн тахилгат ариун уул билээ. Төрийн тэргүүн төр, түмнийхээ өмнөөс хүндэтгэн тахиж, иргэд ч сүсэг бишрэл, хүндлэлээ илэрхийлдэг ийм бэлгэдлийг явган хүний газар доорх гарцын хананд байрлуулах нь зохимжтой эсэхийг нухацтай бодох хэрэгтэй. Гудамжаар явах хүмүүсийн хөл дор гишгэгдэх, амархан бохирдолд өртөх боломжтой газарт ариун шүтээний дүрслэл байршвал хүндэтгэлийн утга нь бүдгэрч болзошгүй.