, УБ
, УБ
Улаанбаатар хотын дэд бүтцийн төвлөрсөн сүлжээнд холбогдоогүй гэр хорооллын бүсийн сургуулиудын ашиглалтын зардлыг бууруулах, хэмнэх зорилгоор “Нартай сургууль” төслийг хэрэгжүүлж буй.
Төслийн хүрээнд Чингэлтэй дүүргийн ерөнхий боловсролын 61 дүгээр сургуульд 40 кВт хүчин чадалтай нарны цахилгаан үүсгүүр, 20 кВт.цагийн багтаамжтай батарей хосолсон системийг суурилууллаа. Ингэснээр цахилгаан тасарсан үед сургуулийн гэрэлтүүлэг болон чухал хэрэглээгээ 2–3 цагийн турш батарейгаасаа хангах боломжтой. Систем нь эхний дөрвөн жилд хөрөнгө оруулалтын зардлаа нөхөж, дараагийн 20 жилийн хугацаанд хэмнэлт бий болгох юм байна. 61-р сургууль сэргээгдэх эрчим хүч ашиглан цахилгааны хэрэглээнийхээ тодорхой хэсгийг хангадаг Чингэлтэй дүүргийн гурав дахь жишиг сургууль болж байна.
Төслийг Австралийн Элчин сайдын яам, Чингэлтэй дүүрэг, “Азийн сан”, “Зориг сан”-гийн дэмжлэгтэйгээр “Энх Орчлон Хөгжил” ТББ, “Women Leadership” хөтөлбөрийн оролцогчид "Prime Solar" компанитай хамтран хэрэгжүүллээ. Уг төсөл нь дан ганц цахилгааны зардлыг бууруулах бус, эрчим хүчний найдвартай байдлыг бий болгох улмаар хэмнэсэн зардлаараа боловсролын орчинд дахин хөрөнгө оруулах боломжийг бий болгож буй тогтвортой шийдэл юм.
