, УБ
, УБ
Монголын каратегийн холбооны тамирчид Япон улсын Айчи муж, Нагоя хотод болох Азийн XX наадамд эх орноо төлөөлөн оролцох албан ёсны мандатаа Монголын Үндэсний Олимпын Хорооноос гардан авлаа.
“Айчи–Нагояа 2026” Азийн наадам 2026 оны есдүгээр сарын 19-нөөс аравдугаар сарын 4-ний өдрүүдэд Япон улсад зохион байгуулагдана. Тус наадамд Азийн шилдэг тамирчид спортын олон төрлөөр өрсөлдөх бөгөөд Монголын баг тамирчид ч эх орноо төлөөлөн оролцоно.
Монголын каратегийн холбоо энэхүү үйл явдлыг “Монголын каратегийн холбооны бас нэг түүхэн өдөр” хэмээн онцолжээ.
Тус холбооноос:
“Монголын каратегийн холбооны тамирчид маань эхнээсээ Монголын Үндэсний Олимпын Хорооноос ‘Айчи–Нагояа 2026’ Азийн XX наадамд оролцох албан ёсны мандатаа гардан авлаа. Тамирчдадаа амжилт хүсье!”
хэмээн мэдээлсэн байна.
Азийн наадам нь тивийн спортын хамгийн том наадам бөгөөд дөрвөн жил тутам зохион байгуулагддаг. “Айчи–Нагояа 2026” нь Азийн наадмын 20 дахь удаагийн наадам юм.
Япон улс өмнө нь 1958 онд Токио, 1994 онд Хирошима хотод Азийн наадмыг зохион байгуулж байсан бөгөөд энэ удаа тус улс гурав дахь удаагаа зуны Азийн наадмыг хүлээн авч байна.
Монголын каратегийн тамирчдын хувьд тивийн шилдгүүдтэй өрсөлдөж, Монгол Улсынхаа нэрийг Азийн спортын томоохон тавцанд гаргах хариуцлагатай тэмцээн ийнхүү ойртож байна.
Нийт баг тамирчиддаа амжилт хүсье 🥰
Alaad ugurei mna hed
Амжилтийн дээдийг хүсэн ерөөе Ялалт амжилт та нарын гарт
Amjilttai orolltsooroi
Баг тамирчиддаа амжилт хүсье
