Шар тивийн “Олимп” хэмээн нэрийддэг Азийн спортын зуны ХХ наадам 2 сая хүн амтай Нагояа хотын Мизухо цэцэрлэгт хүрээлэнгийн Атлетик цэнгэлдэх хүрээлэнд “хөшгөө” нээж, 45 Үндэсний олимпын хорооны 11 мянга гаруй тамирчин 43 спортын 71 төрөлд 469 багц медалийн төлөөх өрсөлдөөнийг “Imagine One Asia” уриан дор эхлүүллээ.

Монгол Улсын шигшээ баг тамирчид өнгөрсөн хугацаанд “Ханжоу-2022” Азийн наадам хүртэл 27 алт, 53 мөнгө, 104 хүрэл, нийт 184 медаль хүртээд байна.

Харин “Айчи-Нагояа-2026” Азийн ХХ наадамд 31 спортын төрөлд 300 гаруй тамирчин оролцож байна.

Монгол Улсын шигшээ баг энэ удаагийн Азийн наадмын нээлтэд 100 гаруй хүний өргөн бүрэлдэхүүнтэй жагсан, Монголын багийн тугчаар дээд лигийн “Хасын Хүлэгүүд” багийн тоглогч, 3х3 сагсан бөмбөгийн шигшээ багийн тамирчин, ОУХМ Ч.Тэмүүлэн, волейболын үндэсний шигшээ багийн тамирчин, ОУХМ П.Энххүслэн нарын шилдэг тамирчдаа төлөөлүүллээ.