Монгол Улсад сүүлийн 10 жилийн дунджаар 16.5 мянган нас баралтын тохиолдол бүртгэгдсэнээс осол гэмтэл, гадны шалтгаант нас баралт 16,9%-ийг эзэлж, түүн дотор осол гэмтлийн 23,6%-ийг зам тээврийн осол эзэлж байна.
Тиймээс “Яаралтай тусламжийн чанар, хүртээмж, чадавхийг үндэсний түвшинд сайжруулах” шаардлагатай байна.
Амь тэнссэн үед эмнэлэг хүртэлх тусламж хамгаас чухал. Тиймээс түргэн тусламжийн үндэсний сүлжээг байгуулах, үйл ажиллагааг нэгтгэн зангидах үндэсний төвийг бий болгох, амилуулах болон лавшруулсан тусламжийг газар дээр нь үзүүлэх нэн шаардлагатай тоног төхөөрөмжийн хангамжийг нэмэгдүүлэх зэрэг бүтэц, зохион байгуулалтын дорвитой арга хэмжээг авах, түүнийг зохицуулах эрх зүйн орчныг бий болгоход Эрүүл мэндийн яам онцгой анхааран ажиллаж байна.
Энэ хүрээнд дэлхий дахинд мөрдөгдөж буй эмнэлэг хүртэлх яаралтай тусламжид мөрдөгдөж буй эмнэлзүйн удирдамж, заавар, олон улсын шилдэг туршлагуудын талаар санал солилцох яаралтай тусламжийн эмч мэргэжилтнүүдийн оролцоотой хэлэлцүүлэг зохион байгууллаа.
, УБ
