, УБ
, УБ
Монгол Улсын Шадар сайдын 2026 оны 09 дүгээр сарын 24-ний өдрийн 70 дугаар тушаалаар Монгол Улсын Засгийн газрын тухай хуулийн 24 дүгээр зүйлийн 2 дахь хэсэг, Өрсөлдөөний тухай хуулийн 15 дугаар зүйлийн 15.1.3 дахь заалтыг тус тус үндэслэн Өрсөлдөөний тухай хуулийн шинэчилсэн найруулгын төслийг боловсронгуй болгох, санал, дүгнэлт боловсруулах үүрэг бүхий Ажлын хэсгийг байгуулсан.
Ажлын хэсгийн хуралдаан 2026 оны 10 дугаар сарын 07-ны өдөр болж, Өрсөлдөөний тухай хуулийн хэрэгжилтийн үр дагавар, үнэлгээний тайлан болон хуулийн үзэл баримтлалын төслийг танилцууллаа.
Хуралдааны үеэр Ажлын хэсгийн гишүүд хуулийн хэрэгжилтийн өнөөгийн нөхцөл байдал, практикт тулгамдаж буй асуудал, эрх зүйн зохицуулалтыг боловсронгуй болгох шаардлагын талаар санал солилцож, хуулийн шинэчилсэн найруулгын төсөлд тусгах саналын талаар хэлэлцэж ажиллалаа.
Цаашид Өрсөлдөөний тухай хуулийн шинэчилсэн найруулгын төслийн зохицуулалтыг холбогдох хууль тогтоомжтой уялдуулах, хууль хэрэгжүүлэх явцад практикт тулгамдаж буй асуудлыг оновчтой шийдвэрлэх, өрсөлдөөний эрх зүйн орчныг боловсронгуй болгоход чиглэсэн санал, дүгнэлтийг нэгтгэн боловсруулж, хуулийн төслийн хэлэлцүүлгийн бэлтгэл ажлыг үе шаттайгаар зохион байгуулна.
