Увс аймаг малын гоц халдварт шүлхийн ТАС-1 вирустай холбоотойгоор 8-р сарын нэгнийг хүртэл олон нийтийг хамарсан арга хэмжээ зохион байгуулахгүй. Үүнд:

• Овооны баяр
• Ургийн баяр
• Баяр наадам
• Хурдан морины уралдаан
• Бооцоот адуучин
• Бусад олныг хамарсан арга хэмжээ
• Аймаг, сум хооронд мал, амьтны шилжилт хөдөлгөөн хийхийг тодорхойгүй хугацаагаар хязгаарлажээ.

Увс аймаг 43 мянган иргэн, 10600 гаруй малчин өрх, 2.3 сая малтай тул шүлхий өвчнөөс сэргийлэн тус арга хэмжээг мэргэжлийн байгууллагуудтай хамтран гаргасан байна. Баяр наадмаас үүдэлтэйгээр шүлхий өвчин аймагт дэгдвэл мал мах, хүнсний хомсдол үүсэх, малчин өрх эдийн засгийн алдагдал хүлээх томоохон эрсдэлтэй байгаа юм.