, УБ
, УБ
Өмнөговь аймаг оюутнууддаа зориулан, орон нутгийн төсвийн 10 тэрбум төгрөгөөр Улаанбаатар хотод 470 оюутны дотуур байрыг ашиглалтад оруулаад байна.
Тус байрны барилгын ажил 2017 онд анх эхэлж байсан юм. Оюутны байр нь 11 давхар, 470 оюуны багтаамжтай, 2 дугаар давхарт номын сан, багш, ажилчдын өрөө, 3 дугаар давхарт ресторан, кофе шоп, 4-10 давхарт оюутны байр, 11 дүгээр давхарт зочдын өрөө, спорт заал бүхий орчин үеийн иж бүрэн цогцолбор юм. Мөн давхар бүрд гал тогоо гарган, тохижуулжээ.
Дотуур байрны бүртгэл 8-р сарын 10-аас 20-нд Өмнөговь аймагт явагдсан бол 8-р сарын 23-аас эхлэн Улаанбаатар хотод явагдаж байна. Бүртгүүлэх хүсэлтэй оюутнууд Улаанбаатар хот дахь Оюутны хотхонд /Хан-Уул дүүргийн хоёрдугаар хороо/ бүртгэж байгаа юм.
