“ХУУЛЬЧИД СПОРТООР ДАМЖУУЛАН ХҮНИЙ ЭРХИЙН НӨЛӨӨЛӨГЧ БОЛОХ НЬ” СЭДЭВТ ЧӨЛӨӨТ УУЛЗАЛТ, ЯРИЛЦЛАГАД УРЬЖ БАЙНА

“Хуульчид спортоор дамжуулан хүний эрхийн нөлөөлөгч болох нь” сэдэвт чөлөөт уулзалт, ярилцлагыг Хуульчийн нийтэд тустай мэргэжлийн үйл ажиллагаа эрхлэх хорооноос Хансс Зайделийн сантай хамтран 2026 оны 08 дугаар сарын 20-ны өдөр зохион байгуулна.

Энэхүү чөлөөт уулзалт, ярилцлагын зочноор Германы паралимпын нэрт тамирчин, нийгмийн бодлогын зүтгэлтэн, хөгжлийн бэрхшээлтэй хүмүүсийн эрх, тэгш оролцооны төлөө тууштай ажилладаг манлайлагч бөгөөд Германы (Sozialverband VdK Deutschland) Нийгмийн хамгааллын холбооны Ерөнхийлөгч асан Верена Моника Бентеле оролцох болно.

Бентеле нь спортын өндөр амжилт, нийгмийн бодлогын туршлагаа илтгэх ур чадвартай хослуулсан олон улсын түвшний илтгэгч юм. Тэрбээр байгууллага, аж ахуйн нэгж болон олон нийтийн үйл ажиллагаанд манлайлал, багийн ажиллагаа, харилцаа, итгэлцэл, зорилгодоо хүрэх, бэрхшээлийг даван туулах, өндөр гүйцэтгэл зэрэг сэдвээр илтгэл тавьдаг, спортын дэлхийн хэмжээний амжилтаа нийгмийн хариуцлага, манлайлал, хөгжлийн бэрхшээлтэй хүмүүсийн эрх, тэгш оролцоо болон хүний чадавхыг хөгжүүлэх үзэл санаатай хослуулсан онцгой төлөөлөгч билээ.

Тус уулзалт, ярилцлагад оролцох сонирхолтой хуульчид https://forms.gle/wiKbevFqYrjSnvXk8 холбоосоор орж бүртгүүлнэ үү.