Монгол Улс, ОХУ-ын Санкт-Петербург хот хоорондын найрсаг харилцаа, хамтын ажиллагааг бэхжүүлэх зорилгоор “Монгол болон Санкт-Петербург хотын найрамдлын төгөл”-ийг байгуулж, мод тарих ёслол өнөөдөр боллоо.

Тус арга хэмжээнд ОХУ-ын Санкт-Петербург хотын Гадаад харилцааны хорооны төлөөлөл, ОХУ-аас Монгол Улсад суугаа дипломат төлөөлөгчид, Санкт-Петербург хотын аж ахуйн нэгж, байгууллагуудын төлөөлөл болон Монголын талын холбогдох байгууллагуудын төлөөлөл оролцлоо.

Найрамдлын төгөл нь Монгол, Оросын ард түмний найрамдал, харилцан ойлголцол, хамтын ажиллагааны бэлгэдэл төдийгүй байгаль орчноо хамгаалах, ногоон байгууламжийг нэмэгдүүлэхэд оруулж буй хамтын хувь нэмэр болж байна.