БНХАУ-ын дарга Ши Жиньпин Киргизстаны Бишкек хотноо болсон Шанхайн хамтын ажиллагааны байгууллагын 2026 оны дээд хэмжээний уулзалтад оролцож, Киргизстан болон Египетэд төрийн айлчлал хийв. ШХАБ-ын Төрийн тэргүүн нарын зөвлөлийн 26 дахь удаагийн хуралдааны үеэр Ши Жиньпин байгууллагын цаашдын үйл ажиллагаанд чиглэсэн дөрвөн санал дэвшүүлсэн байна. Тодруулбал,

• Хөгжлийг тэргүүлэх чиглэл болгож, хамтын хөгжил цэцэглэлтийг дэмжих
• Аюулгүй байдлыг гол зорилго болгон, нийтлэг аюулгүй орчныг бүрдүүлэх
• Иргэдэд төвлөрсөн бодлого хэрэгжүүлж, улс орнуудын нөхөрлөлийн суурийг бэхжүүлэх
• Яриа хэлэлцээ, зөвшилцөлд тулгуурласан, илүү шударга, эмх цэгцтэй олон улсын засаглалыг дэмжихийг уриалжээ.

Олон улсын шинжээчид энэ санал нь геополитикийн хурцадмал байдал нэмэгдэж буй үед хамтын ажиллагаа, олон талт тогтолцоог бэхжүүлэхэд чиглэсэн гэж үнэлсэн байна.

Мөн Ши Жиньпин Египетэд хийсэн төрийн айлчлалынхаа үеэр Ойрх Дорнодын аюулгүй байдлын шинэ тогтолцоог бий болгох дөрвөн чиглэл санал болгожээ. Үүнд:

• Бүс нутгийн дотоод чадавхыг нэмэгдүүлэх,
• Асуудлыг цогцоор шийдэх,
• Эдийн засгийн хөгжлийг тогтвортой байдлын суурь болгох,
• Олон улсын хамтын ажиллагааг нэмэгдүүлэх асуудал багтсан байна.

Энэхүү санал нь АНУ, Ираны хоорондын хурцадмал байдал нэмэгдэж, бүс нутгийн болон далайн тээврийн аюулгүй байдалд эрсдэл үүсээд буй үед дэвшүүлэгдсэн гэж China Daily онцолжээ. Мөн Хятадын хөгжлийн хамтын ажиллагаа уламжлалт дэд бүтэц, худалдаанаас гадна хиймэл оюун ухаан, дижитал эдийн засаг, ногоон үйлдвэрлэл, технологийн хамтын ажиллагаа руу тэлж байгааг шинжээчид онцолжээ.

Эх сурвалж: China Daily