2026.11.22 Ням гараг
УБ цаг агаар, УБ

Монголын шатарчид Самаркандад сюрприз барьж, дэлхийд түүхэн амжилт бүтээлээ

Узбекистаны Самарканд хотноо болсон Дэлхийн шатрын 46 дахь олимпиадад Монголын шатарчид шуугиан тарьж, түүхэн амжилт бүтээлээ.


189 орны шилдгийн шилдэг шатарчдаас бүрдсэн багууд өрсөлдсөн энэ олимпиадад Монгол Улсын шатрын үндэсний эмэгтэй шигшээ баг 17 оноотойгоор дэлхийн ТОП-10-т багтаж, 7 дугаар байрт шалгарснаар Монголын шатрын түүхэн дээд амжилтыг шинэчиллээ.


Манай эмэгтэй шигшээ баг өмнө нь 1990 оны Нови Садын олимпиадад 12 дугаар байр эзэлсэн нь хамгийн өндөр үзүүлэлт байв. Харин энэ удаа дэлхийн шилдэг багуудтай эн тэнцүү өрсөлдөж, анх удаа дэлхийн шилдэг 10 багийн нэг боллоо.


Манай охид АНУ, Энэтхэг, Польш зэрэг дэлхийн чансааг тэргүүлэгч багуудтай 3-7 дугаар байрыг ижил оноогоор хуваан эзэлж, зөвхөн коэффициентийн зөрүүгээр 7 дугаар байрт бичигдлээ. Энэ бол Монголын шатар дэлхийн шилдгүүдтэй эн тэнцүү өрсөлдөх бүрэн боломжтойг харуулсан түүхэн үр дүн юм.


Х.Баясгалан дөнгөж 19-хөн насандаа нэг ч өнжилгүй 11 өрөг тоглож, 8 оноо авч, III ширээний хувийн үзүүлэлтээр дэлхийд 4 дүгээрт жагслаа.


Эрэгтэй шигшээ баг маань ч нийт дүнгээр дэлхийд 26 дугаар байрт шалгарч, “В” ангилалд мөнгөн медаль хүртэн, бас нэгэн түүхэн амжилтыг бүтээлээ.


Эх орноо төлөөлөн дэлхийн шилдэг багуудтай өрсөлдсөн Монголын охид, хөвгүүдээрээ үнэхээр бахархаж байна. Хоёр жилд нэг удаа зохион байгуулагддаг дэлхийн шатарчдын их олимпиадад Монголын баг ийнхүү түүхэн шинэ босго тогтоолоо.


Хөвгүүд маань тэмцээний турш уналт, босолттой олон хүнд өргийн ард гарч, монгол хүний эр зориг, сахилга бат, тэсвэр хатуужлыг харууллаа. Өнөөдөр тэднийг Монголын далбаатайгаа шагналын тавцанд зогсож байхыг харах нь жинхэнэ монгол омогшлыг төрүүлж байна.


Энэ олимпиадыг өөрийн биеэр өдөр бүр үзэж, тамирчдаа дэргэдээс нь дэмжихдээ нэг зүйлийг маш тодорхой ойлголоо.


Дэлхийн шатрын тэргүүлэх орнууд өндөр түвшний дасгалжуулалт, спортын шинжлэх ухаан, академи, санхүүжилтэд тулгуурласан олон жилийн тогтолцоотой. Харин бидэнд энэ хэмжээний нөөц боломж хараахан бүрдээгүй ч Монголын шинэ үеийн залуус ур чадвар, сахилга бат, сэтгэлийн хүч, төрмөл авьяас, оюуны потенциалаараа хэнээс ч дутахгүй гэдгийг энэ олимпиад дэлхийд харууллаа.


Бид одоо энэхүү түүхэн амжилтыг улам хөглөж, дэлхийн шатрын оргилд Монголын төрийн дуулал эгшиглэх мөч хүртэлх их амжилтын суурь болгох ёстой. Иймээс шатрыг боловсролын хөтөлбөрт энэ жилээс багтааж чадсаны ач холбогдол нь Монголын шинэ үеийн “цэгц сэтгэгч” залгамж халааг бэлтгэхэд оршиж байна. Монгол хүний саруул ухааныг дэлхийд үнэлүүлэхийн төлөө Монголын Шатрын Холбооны Ерөнхийлөгчийн хувиар цаашид улам их хичээж ажиллах болно.


Хагас сарын турш монголчууд биднийг догдлуулж, омогших мэдрэмжийг ахин дахин төрүүлсэн оюунлаг шатарчдадаа чин сэтгэлийн баяр хүргэе! Та бүхний энэ амжилт бол өнөөдрийг хүртэл шантралгүй зүтгэсэн гэр бүл, багш дасгалжуулагчид, ивээн тэтгэгчид, дэмжигчид гээд ойр дотны хэн бүхний насан туршийн хөдөлмөр шингэсэн цаг хугацааны шагнал юм.


Оюун ухаанаараа дэлхийд цойлохын төлөө Монгол нүүдэл улам цэгцэрч, үргэлжлэх болно. 

Сэтгэгдэл 0
0/1000
ЯПОНЫ САКУРАЖИМА ГАЛТ УУЛ ДАХИН ДЭЛБЭРЧ, ҮНС НУРАМ 1.2 КМ ӨНДӨРТ ХҮРЧЭЭ
7 цагийн өмнө 53
1 ТЭРБУМ ГАРУЙ ТӨГРӨГИЙН ТЕХНИК ХЭРЭГСЭЛ ГАРДУУЛАН ӨГЧЭЭ
8 цагийн өмнө 24
АШУҮИС-ИЙН АУС-ИЙН ЭХ БАРИХ, ЭМЭГТЭЙЧҮҮД СУДЛАЛЫН ТЭНХИМ ҮҮСЭН БАЙГУУЛАГДСАНЫ 80 ЖИЛИЙН ОЙ ТОХИОЖ БАЙНА
2026-11-21 78
Галт зэвсгийн тухай хуулийн шинэчилсэн найруулгын төслийг өргөн мэдүүлэв
2026-11-20 57
Хууль тогтоолын төслүүдийг эцэслэн баталж, Санхүүгийн зохицуулах хорооны даргыг үүрэгт ажлаас нь чөлөөллөө
2026-11-20 67
Төрөөс Мөнгөний бодлогын талаар 2027 онд баримтлах Үндсэн чиглэлийн төслийг УИХ-аар баталлаа
2026-11-20 92
Авлигатай тэмцэх газрын мөрдөгчөөс Улсын бүртгэлийн ерөнхий газарт мэдэгдэл хүргүүлэв
2026-11-20 81
Шинжлэх ухаан, технологийн ордонд жил бүр 3,000 гаруй хүүхэд робот техник, программ, инженерчлэлээр сурна
2026-11-20 87
Мансууруулах эм, сэтгэцэд нөлөөт бодистой холбоотой хэргүүдийг шүүхээр шийдвэрлүүллээ
2026-11-20 93
Монгол Улсын 6 дахь Ерөнхийлөгч У.Хүрэлсүхийг хүндэтгэн үдэв
2026-11-20 85
ЭЗБХ: Санхүүгийн зохицуулах хорооны гишүүнд нэр дэвших хүсэлтийг энэ сарын 23-ны өдрийн 10 цаг хүртэл хүлээн авна
2026-11-20 83
Улаанбаатар хотын өвлийн эрчим хүчний оргил ачааллыг бууруулах 100 МВт-ын батарей хуримтлуурын төслийг хэрэгжүүлнэ
2026-11-20 51
Монгол хүүхэд бүр эх хэлээрээ уншиж ойлгодог, мэдлэг бүтээдэг болох үндэсний зорилгыг хэрэгжүүлнэ
2026-11-20 44
Хөвсгөл аймагт 4.0 магнитудын хүчтэй газар хөдлөлт боллоо
2026-11-20 88
Монгол Улсын бизнесийн бүртгэл, тогтолцооны шинэчлэлийн асуудлаар хэлэлцүүлэг зохион байгуулагдлаа
2026-11-20 50
“БИО-АНАГААХ СУДЛААЧИЙН УР ЧАДВАРЫН СОРИЛТ-2026” УРАЛДААН АМЖИЛТТАЙ ЗОХИОН БАЙГУУЛАГДЛАА
2026-11-20 47
Гадаад харилцааны сайд Б.Батцэцэг Бүгд Найрамдах Солонгос Улсад албан ёсны айлчлал хийнэ
2026-11-20 85
МАТЕМАТИКИЙН ХИЧЭЭЛЭЭР МОНГОЛ СУРАГЧ ДЭЛХИЙД ХАМГИЙН ӨНДӨР ОНООГ АВЧ, 55 СУРАГЧ КЕМБРИЖИЙН ОЛОН УЛСЫН ШАГНАЛ ХҮРТЛЭЭ
2026-11-20 96
Монгол Улс цахим засаглалийн индексээр дэлхийд 42, Азид 15 дугаар байрт орлоо
2026-11-20 125
Сургуулийн орчны хүнсний аюулгүй байдлыг хангах аян өрнөж байна
2026-11-20 80
1 / 1