2026.11.22 Ням гараг
УБ цаг агаар, УБ

Монгол Улсын бизнесийн бүртгэл, тогтолцооны шинэчлэлийн асуудлаар хэлэлцүүлэг зохион байгуулагдлаа

Монгол Улсын Засгийн газраас хэрэгжүүлж буй “Чөлөөлье” үндэсний санаачилгын хүрээнд бизнес эрхлэхэд тулгарч буй захиргааны хүндрэл, чирэгдлийг бууруулах, төрийн үйлчилгээг хялбаршуулах, цахимжилтыг эрчимжүүлэх зорилгоор “Монгол Улсын бизнесийн бүртгэлийн шинэчлэлийг боловсронгуй болгох нь” сэдэвт арга хэмжээ 2026 оны 11 дүгээр сарын 19-ний өдөр Засгийн газрын XI байрны 1 дүгээр давхарт байрлах Зөвшөөрлийн мэдээлэл, үйлчилгээний нэгдсэн төвд зохион байгуулагдлаа.

Тус арга хэмжээний хүрээнд Дэлхийн банкнаас Монгол Улсын бизнесийн бүртгэлийн тогтолцоонд хийсэн үнэлгээний үр дүнд боловсруулсан “Монгол Улсын бизнесийн бүртгэл: Гол дүгнэлтүүд ба зөвлөмжүүд” судалгааны тайланг танилцуулж, бизнесийн бүртгэлийн эрх зүйн орчин, байгууллага хоорондын уялдаа холбоо, цахим үйлчилгээний өнөөгийн нөхцөл байдал, олон улсын сайн туршлага болон цаашид хэрэгжүүлэх шинэчлэлийн чиглэлийн талаар хэлэлцэв.

Арга хэмжээг Эдийн засаг, хөгжлийн яамны Төрийн нарийн бичгийн дарга И.Батхүү, Дэлхийн банкны Монгол дахь суурин төлөөлөгч Викториа Ригби Делмон нар нээж үг хэллээ.

Эдийн засаг, хөгжлийн яамны Төрийн нарийн бичгийн дарга И.Батхүү нээлтийн үгэндээ бизнесийн бүртгэлийн тогтолцоог боловсронгуй болгох нь бизнес эрхлэх таатай орчныг бүрдүүлэх, хөрөнгө оруулалтыг дэмжих, төрийн үйлчилгээний чанар, хүртээмжийг сайжруулахад чухал ач холбогдолтойг онцлов. Түүнчлэн бүртгэлийн үйл ажиллагаанд тавигдах шаардлага, шат дамжлагыг хялбаршуулах, төрийн байгууллагуудын мэдээлэл солилцоог сайжруулах, иргэн, аж ахуйн нэгжээс ижил мэдээллийг давхардуулан шаардахгүй байх нөхцөлийг бүрдүүлэх шаардлагатайг тэмдэглэлээ.

Үргэлжлүүлэн Дэлхийн банкны Хувийн салбарын мэргэжилтэн Рампракаш Сетурамасуббу “Монгол Улсын бизнесийн бүртгэл: Гол дүгнэлтүүд ба зөвлөмжүүд” судалгааны тайланг танилцууллаа. Уг судалгаагаар Монгол Улсад бизнесийн бүртгэлийн эрх зүйн орчин болон цахим дэд бүтцийн үндсэн суурь бүрдсэн хэдий ч бүртгэлийн үйл ажиллагаанд цаасан баримт бичиг бүрдүүлэх, нотариатаар баталгаажуулах, төрийн байгууллагад биечлэн хандах, ижил мэдээллийг давхардуулан шаардах зэрэг хүндрэл байгааг тодорхойлов. Иймд бизнесийн бүртгэлийн эрх зүйн зохицуулалтыг нэгтгэн цэгцлэх, бүртгэлийн шаардлага, шат дамжлагыг хялбаршуулах, “цахим нэн тэргүүнд” болон “нэг удаа мэдээлэх” зарчмыг хэрэгжүүлэх, төрийн байгууллагуудын мэдээллийн системүүдийн харилцан уялдааг бэхжүүлэх, бүртгэлийн үйл ажиллагааг эхнээс нь дуустал бүрэн цахимжуулах зэрэг шинэчлэлийн зөвлөмжийг дэвшүүлсэн талаар мэдээлэв.

Мөн олон улсын туршлагыг танилцуулах хүрээнд БНХАУ-ын Бээжин хотын Зах зээлийн зохицуулалтын газрын төлөөлөл Бээжин хотын бизнесийн бүртгэлийн тогтолцоонд хэрэгжүүлсэн шинэчлэлийн талаар мэдээлэл өгч, бүртгэлийн үйл ажиллагааг хялбаршуулах, төрийн үйлчилгээний хүртээмж, үр ашгийг нэмэгдүүлэх чиглэлээр туршлага хуваалцлаа. Үүний дараа “И-Монгол академи” УТҮГ-ын Цахим засаглалын газрын төслийн менежер О.Төгөлдөр хуулийн этгээдэд зориулсан төрийн үйлчилгээний нэгдсэн E-Business 2.0 системийн талаар танилцуулж, Улсын бүртгэлийн ерөнхий газрын Хуулийн этгээдийн улсын бүртгэлийн газрын дарга Ж.Аюуш улсын бүртгэлийн байгууллагаас үзүүлж буй төрийн үйлчилгээ, цахимжилтын өнөөгийн байдал болон цаашид анхаарах асуудлаар мэдээлэл хүргэлээ.

Танилцуулгуудын дараа оролцогчид асуулт асууж, бизнесийн бүртгэлийн үйл ажиллагааг боловсронгуй болгох, байгууллага хоорондын мэдээлэл солилцоог сайжруулах чиглэлээр санал солилцов. Арга хэмжээний төгсгөлд Дэлхийн банкны Хувийн салбарын мэргэжилтэн Вентинг Вэй хаалтын үг хэллээ. Энэхүү арга хэмжээ нь Дэлхийн банкны судалгааны дүгнэлт, зөвлөмжийг Монгол Улсын бизнесийн бүртгэлийн тогтолцооны өнөөгийн нөхцөл байдал, төрийн байгууллагуудын үйл ажиллагаа болон бизнес эрхлэгчдэд тулгамдаж буй асуудалтай уялдуулан хэлэлцэж, цаашид хэрэгжүүлэх шинэчлэлийн чиглэлээр нэгдсэн ойлголт бүрдүүлэхэд чиглэв.

Түүнчлэн төрийн байгууллага, олон улсын байгууллага болон холбогдох талуудын хамтын ажиллагааг бэхжүүлэх, бүртгэлийн шаардлага, шат дамжлагыг хялбаршуулах, мэдээллийн давхардлыг арилгах, цахим үйлчилгээний хүртээмжийг нэмэгдүүлэх замаар иргэн, аж ахуйн нэгжид учирч буй захиргааны дарамт, зардал, чирэгдлийг бууруулах, бизнес эрхлэх таатай орчныг бүрдүүлэхэд чухал ач холбогдолтой арга хэмжээ боллоо.


Сэтгэгдэл 0
0/1000
ЯПОНЫ САКУРАЖИМА ГАЛТ УУЛ ДАХИН ДЭЛБЭРЧ, ҮНС НУРАМ 1.2 КМ ӨНДӨРТ ХҮРЧЭЭ
5 цагийн өмнө 49
1 ТЭРБУМ ГАРУЙ ТӨГРӨГИЙН ТЕХНИК ХЭРЭГСЭЛ ГАРДУУЛАН ӨГЧЭЭ
6 цагийн өмнө 20
АШУҮИС-ИЙН АУС-ИЙН ЭХ БАРИХ, ЭМЭГТЭЙЧҮҮД СУДЛАЛЫН ТЭНХИМ ҮҮСЭН БАЙГУУЛАГДСАНЫ 80 ЖИЛИЙН ОЙ ТОХИОЖ БАЙНА
2026-11-21 78
Галт зэвсгийн тухай хуулийн шинэчилсэн найруулгын төслийг өргөн мэдүүлэв
2026-11-20 57
Хууль тогтоолын төслүүдийг эцэслэн баталж, Санхүүгийн зохицуулах хорооны даргыг үүрэгт ажлаас нь чөлөөллөө
2026-11-20 66
Төрөөс Мөнгөний бодлогын талаар 2027 онд баримтлах Үндсэн чиглэлийн төслийг УИХ-аар баталлаа
2026-11-20 90
Авлигатай тэмцэх газрын мөрдөгчөөс Улсын бүртгэлийн ерөнхий газарт мэдэгдэл хүргүүлэв
2026-11-20 81
Шинжлэх ухаан, технологийн ордонд жил бүр 3,000 гаруй хүүхэд робот техник, программ, инженерчлэлээр сурна
2026-11-20 86
Мансууруулах эм, сэтгэцэд нөлөөт бодистой холбоотой хэргүүдийг шүүхээр шийдвэрлүүллээ
2026-11-20 92
Монгол Улсын 6 дахь Ерөнхийлөгч У.Хүрэлсүхийг хүндэтгэн үдэв
2026-11-20 85
ЭЗБХ: Санхүүгийн зохицуулах хорооны гишүүнд нэр дэвших хүсэлтийг энэ сарын 23-ны өдрийн 10 цаг хүртэл хүлээн авна
2026-11-20 82
Улаанбаатар хотын өвлийн эрчим хүчний оргил ачааллыг бууруулах 100 МВт-ын батарей хуримтлуурын төслийг хэрэгжүүлнэ
2026-11-20 50
Монгол хүүхэд бүр эх хэлээрээ уншиж ойлгодог, мэдлэг бүтээдэг болох үндэсний зорилгыг хэрэгжүүлнэ
2026-11-20 43
Хөвсгөл аймагт 4.0 магнитудын хүчтэй газар хөдлөлт боллоо
2026-11-20 87
Монгол Улсын бизнесийн бүртгэл, тогтолцооны шинэчлэлийн асуудлаар хэлэлцүүлэг зохион байгуулагдлаа
2026-11-20 50
“БИО-АНАГААХ СУДЛААЧИЙН УР ЧАДВАРЫН СОРИЛТ-2026” УРАЛДААН АМЖИЛТТАЙ ЗОХИОН БАЙГУУЛАГДЛАА
2026-11-20 46
Гадаад харилцааны сайд Б.Батцэцэг Бүгд Найрамдах Солонгос Улсад албан ёсны айлчлал хийнэ
2026-11-20 84
МАТЕМАТИКИЙН ХИЧЭЭЛЭЭР МОНГОЛ СУРАГЧ ДЭЛХИЙД ХАМГИЙН ӨНДӨР ОНООГ АВЧ, 55 СУРАГЧ КЕМБРИЖИЙН ОЛОН УЛСЫН ШАГНАЛ ХҮРТЛЭЭ
2026-11-20 95
Монгол Улс цахим засаглалийн индексээр дэлхийд 42, Азид 15 дугаар байрт орлоо
2026-11-20 124
Сургуулийн орчны хүнсний аюулгүй байдлыг хангах аян өрнөж байна
2026-11-20 79
1 / 1