Төр, олон нийтийн хяналтын тухай хууль /Төрийн хяналт шалгалтын тухай хуулийн шинэчилсэн найруулга/-ийн төслийн үзэл баримтлалыг танилцуулах хэлэлцүүлгийг Налайх дүүрэгт зохион байгуулж, 45 иргэн, аж ахуйн нэгжийн төлөөлөл оролцлоо. 

Эдийн засаг, хөгжлийн яам, Засгийн газрын Хяналт хэрэгжүүлэх газар хамтран зохион байгуулсан тус хэлэлцүүлгээр Зөвшөөрлийн тухай хуульд оруулах нэмэлт, өөрчлөлт, Төрийн хяналт шалгалтын тухай хуулийн хэрэгжилтийн үр дагаврын судалгаа, олон улсын сайн туршлага болон шинэчилсэн найруулгын төслийн үзэл баримтлалыг иргэдэд танилцууллаа. 

Танилцуулгын дараа оролцогчид төрийн хяналт шалгалтын үйл ажиллагаа болон хуулийн шинэчилсэн найруулгатай холбоотой асуудлаар асуулт асууж, санал бодлоо илэрхийлэн, холбогдох албаныхантай санал солилцов. Иргэдийн оролцоонд тулгуурласан уг хэлэлцүүлэг нь хуулийн төслийн үзэл баримтлалыг олон нийтэд танилцуулж, тэдний байр суурийг сонсох боломж бүрдүүлсэн юм.