Иргэнийн нисэхийн ерөнхий газрын даргын А/270 дугаар тушаалаар “Цагийн хуваарийн зөвлөлийн бүрэлдэхүүн, ажиллах журам” шинэчлэн батлах тухай тушаалаар цагийн хуваарийн бүрэлдэхүүнийг 2026 оны 9 дүгээр сарын 25-ны өдөр шинэчлэн баталж “Цагийн хуваарийн зөвлөл”-ийн I хурлыг 2026 оны 9 дүгээр сарын 29-ний өдөр зохион байгуулсан бөгөөд гадаад болон дотоодын агаарын тээвэрлэгчдээс ирүүлсэн нислэгийн хүсэлтийг хэлэлцэн 2026-2027 оны өвлийн улирлын Олон улс болон орон нутгийн хуваарьт хөөрөлт буултын өвлийн улирын хуваарьт нислэгийн цагийн хуваарийг 2026 оны 10 дугаар сарын 25-ны өдрөөс 2027 оны 3 дугаар сарын 28-ны өдөр хүртэлх хугацаанд баталлаа.
2026-2027 оны өвлийн улиралд дотоод болон гадаадын нийт 14 агаарын тээвэрлэгч 28 чиглэлд 6066 нислэг үйлдэхээр төлөвлөгдсөнөөс “Аэромонголиа” ХХК-ний нислэг 6.2%, Korean air 32,6%, Vietjet 2.8%-иар тус тус өссөн үзүүлэлттэй байна.
2026-2027 оны өвлийн улиралд БНХАУ-ын “China United Airlines” Ордос чиглэлд, “Juneyao Airlines” Санья чиглэлд, “Spring Airlines” Шанхай чиглэлд, БНСВУ-ын “Vietjet Air” НаТранг, Фукоук чиглэлд, БНКУ-ын “Scat Airlines” Астана чиглэлд шинээр нислэг үйлдэхээр төлөвлөгдсөн.
“МИАТ” ТӨХК нь олон улсын 10 чиглэлд, “Хүннү Эйр” ХХК 8 чиглэлд “Аэромонголиа” ХХК 4 чиглэлд нислэг үйлдэхээр төлөвлөж байна.
2026-2027 оны өвлийн улирлын орон нутгийн агаарын шугамд 3 агаарын тээвэрлэгчийн 1232 нислэг төлөвлөгдсөн. Үүнээс “МИАТ” ТӨХК нь Ховд, Говь-Алтай, Увс, Завхан, Баян-Өлгий, Хөвсгөл, Өмнөговь, Баянхонгор чиглэлд нийт 572 нислэг, “Хүннү Эйр” ХХК нь Өмнөговь чиглэлд нийт 308 нислэг, “Чингис Аэрлайнс Юнити” ХХК нь Даланзадгад, Мөрөн, Чойбалсан чиглэлд нийт 352 нислэг үйлдэхээр төлөвлөгдсөн байна.