, УБ
, УБ
ОХУ-ын Ерөнхийлөгч Владимир Путин өчигдөр /2026.10.01/ 23 дахь удаагийн Валдай форумын хаалтын үеэр дэлхий нийт аюултай үед ирээд байгааг онцолж, Украины дайны асуудлаар хурцадмал байдлыг улам нэмэгдүүлэхгүй байхыг Барууны орнуудад анхаарууллаа.
Тэрбээр Валдай форумын үеэр үг хэлэхдээ ОХУ-ын Калининград мужид заналхийлэх, тус бүсийг Оросоос таслах оролдлого гарвал Москва өөрийн мэдэлд буй бүх төрлийн зэвсгийг ашиглан хариу арга хэмжээ авахад бэлэн гэдгийг мэдэгдэв.
Калининград нь НАТО-гийн гишүүн Польш, Литва улсын хооронд, Балтын тэнгисийн эрэгт оршдог бөгөөд ОХУ-ын стратегийн цэргийн чухал бүсэд тооцогддог.
Путин мөн ОХУ Европ руу довтлох зорилгогүй бөгөөд хөрш орнуудтайгаа энх тайвнаар зэрэгцэн оршихыг хүсэж байгаагаа мэдэгдсэн байна. Үүний зэрэгцээ Украины дайныг Оросын аюулгүй байдал, ашиг сонирхлыг хамгаалах шаардлагаас үүдсэн хэмээн дахин тайлбарлажээ.
Харин НАТО Оросоос өөрийн нутаг дэвсгэрт ойрын хугацаанд шууд халдах аюул одоогоор байхгүй гэж мэдэгдсэн ч Балтын бүс дэх хурцадмал байдал, цөмийн зэвсэгтэй холбоотой мэдэгдлүүд эрсдэлийг нэмэгдүүлж байгааг анхааруулж байна.
Эх сурвалж: Valdai club
Валдай форум буюу Valdai Discussion Club нь ОХУ-д төвтэй, олон улсын улс төр, геополитик, аюулгүй байдал, эдийн засгийн асуудлаар хэлэлцүүлэг зохион байгуулдаг экспертүүдийн форум юм. 2004 оноос эхлэн жил бүр тасралтгүй зохион байгуулагдаж байгаа бөгөөд энэ жил "Ирээдүйн төлөөх хариуцлага: Боломжийн хязгаар уу, эсвэл хязгааргүй боломж уу?” гэсэн сэдвийн хүрээнд өрнөж, 40 орны 120 оролцогч оролцжээ.
