Монгол Улсаас Бутаны Хаант Улсад хавсран суух Онц бөгөөд Бүрэн эрхт Элчин сайд Лувсанжавын Өлзийт 2026 оны 9 дүгээр сарын 18-ны өдөр Бутаны Цог Жавхлант Хаан Жигмэ Гэсэр Намжил Ванчукт Итгэмжлэх жуух бичгээ өргөн барилаа.

Элчин сайд Л.Өлзийт Монгол Улсын Ерөнхийлөгч У.Хүрэлсүхийн мэндчилгээг Бутаны Цог Жавхлант Хаан Жигмэ Гэсэр Намжил Ванчукт уламжилж, хоёр орны харилцаа, хамтын ажиллагааг улам бүр өргөжүүлэн хөгжүүлэх үйлсэд идэвх чармайлт гарган ажиллахаа илэрхийлэв.

Түүнчлэн Бутаны Цог Жавхлант Хааны Монгол Улсад хэрэгжүүлсэн төрийн айлчлал нь Монгол, Бутаны харилцааг шинэ шатанд гаргахад чухал хувь нэмэр оруулсныг онцлон тэмдэглэж, хамтын ажиллагаа бүхий л түвшинд өргөжин хөгжиж буйд баяртай байгаагаа илэрхийлэв.

Бутаны Цог Жавхлант Хаан Жигмэ Гэсэр Намжил Ванчук Элчин сайд Л.Өлзийтөд үүрэгт ажилдаа орсонд нь баяр хүргэж, Монгол, Бутаны харилцаа, хамтын ажиллагааг улам бүр гүнзгийрүүлэн хөгжүүлнэ гэдэгт итгэлтэй буйгаа илэрхийлэв.